Monday, April 14, 2008

तो, ती आणि एक घर

तो, ती आणि एक राहतं घर

घर, जिथे आकाश डोकावतं येता जाता, न विचारता
वा~या पावसाला घाबरत नाही
त्यांचाही त्याच्यावर तितकाच हक्क
कदाचित जास्तच..

आलेल्याला येऊ द्यायचं, गेलेल्याला जाऊ द्यायचं
नेऊन नेऊन नेणार काय?
तीन दगडांची एक चूल, फाटक्या झोळीत एक मूल
चिंधीचिंधीत साठवलेली अब्रू
जी झाकली जात नाही, जी विकली जात नाही
लुटली जाते कधीमधी

शिका ! शिका ! खूप शिका !
साक्षरता वर्गात बसा
”पूरबसे सूर्य उगा । फैला उजियारा।”

जळता सूर्य जरी पुढ्यात ठेवला
तर ती आधी भाकरी भाजेल
तो अर्धी विडी शिलगावेल
आणि आजचाही दिवस जर उपवासाचाच असेल
तर सूर्यावरती अंधार शिंपडून
दोघेही पडून राहतील
आतल्या आत जळत

तो,
ती
आणि
एक राहतं घर.......

2 comments:

कोहम said...

mitra.....prachanda avadali....especially shevatacha utara..

मोरपीस said...

अप्रतिम, उत्क्रुष्ट आहे.